周五德甲獨腳戲，慕遜加柏上輪聯賽成功擊敗緬恩斯止血，又有後防大將馬菲亞斯真達復出，主場對弗賴堡讓半/一照信得過，上盤穩！（球賽編號：星期五26；now670及有線651台明日3:30am直播）

經歷聯賽連續四場不勝，慕遜終於重返正軌，上輪作客緬恩斯靠中堅尼高艾維迪一箭定江山，拿下寶貴三分。比起上季，慕遜戰績已有所提升，他們目前已取得14場勝利，較去年多出一場，加上射手兼隊長史甸度回勇，讓得起半/一有餘！更重要的是，後防定海神針馬菲亞斯真達已克復傷患，今仗倒戈舊會弗賴堡有望復出。翻查往績，慕遜近14次主場對賽保持不敗，錄得9勝5和佳績，自然被看高一線！
 
弗賴堡近況亦不算差，上輪聯賽主場擊敗哈化柏林，主力射手尼斯彼德臣有所進賬。不過，球隊後防主力羅賓高治因傷缺陣，加上作客一向麻麻，今仗定難逃一敗！